invadi
/-à-/
in|va|di
[AF]
-
v.tr.
jentrâ cu la fuarce intun teritori par ocupâlu, o ancje par fiscâlu e sim.:
un cosac de armade dal maressial Suvarov che il zar de Russie, Pauli prin, al veve mandât in jutori a la Austrie par dâi une man a fâ cuintri ai francês che a invadevin la Italie (Roberto Ongaro, Cretevierte);
774: Carli re dai Francs, clamât dal pape, al cjape il ream langobart. No vegnin invadûts nome i ducâts di Spoleto, Benevento e chel furlan (Sandri Carrozzo, Rotgaut e la politiche furlane langobarde)
Cfr. assaltâ
, atacâ
, agredî
-
v.tr.
di animâi, plantis o altris organisims, difondisi in maniere esagjerade intun ambient, soredut intun ambient gnûf:
in chescj ultins agns il bacin al à patît un procès di imbuniment par vie che si son slargjadis simpri di plui lis plantis di canele, che a àn invadût dut il lât (Aministrazion Publiche, Il Lât di Minisin)
Sin. jemplâ
, infestâ
-
v.tr.
jentrâ intun lûc intune forme no regolâr, no abituâl, no permetude:
[i puars] a deciderin di invadi tant i terens pustots e a prât che chei fitâts e coltivâts, e di mandâ un ricors a Udin cuintri dai deputâts dal Comun di Sant Denêl (Alviero Negro, Int di masnade);
un om al veve invadude chê altre corsie e ta chê altre machine, une femine, cui siei doi fruts, no veve rivât adore a evitâ l'impat (Raffaele Serafini, Altris contis di famee)
Sin. ocupâ
-
v.tr.
(fig., ancje iperb.)
lâ intun lûc in tancj:
di Istât i turiscj a invadin Lignan
Sin. jemplâ
-
tacâ a vê une grande difusion, une presince une vore fisse:
dopo cuasi trente agns di television, si po cuasi tentâ di butâ jù un scandai di judizi su chel argagn che al à invadût dutis lis cjasis e modificât la vite de int (Riedo Pup, I furlans e la television)
Sin. jemplâ
, infestâ
-
v.tr.
ancje di alc di inanimât, jemplâ un puest:
la aghe alte e veve invadude la citât (Carlo Sgorlon, Ombris tal infinît);
las fumatas a vongolarin e, pesantas tant che las agas di una brentana, a invaderin i cjamps (Ermidio Picco, La albe di Primevere)
Sin. cjapâ
-
slargjâsi intun ambient o intune dimension, ancje psicologjiche, cun intensitât, impuartance, profonditât e v.i.:
ce malinconie la cjase vueide e la musiche des Cybele che e invadeve il coridôr cun chei suns datâts (Checo Tam, La maree nere)
-
v.tr.
(fig.)
jentrâ in cuistions che a son di competence di altris:
la Cort Costituzionâl e veve scancelât lis parts di cheste leç che a invadevin la autonomie scolastiche (Patrizia Pavatti, Il furlan al è rivât tes nestris scuelis. Si met in vore il Regolament pal insegnament de marilenghe in regjon)
Sin. cjapâ
, pescjâ1