Dizionari de Lenghe Furlane

interference  /-èn-/  in|ter|fe|ren|ce  [CO]

1. s.f. [TS] sient. soreposizion di doi o plui fenomens, che e prodûs une sume, un mudament o une elision dai lôr efiets
   Var. interferenzie
   
   1. fis. sume di doi o di plui cjamps di radiazion che e prodûs un cjamp li che, daûr de fase relative e cun paritât di frecuence, e ven fûr une amplece tra zero e la sume des amplecis che lu componin
   2. telecom. soreposizion di dôs ossilazions radios cun frecuencis dongje tra di lôr o di doi segnâi, in maniere che si disturbe la comunicazion:  il canâl di trasmission al degrade i segnâi trasmetûts par efiet dai disturps, des distorsions, des interferencis (Valentino Castellani, La societât de informazion: cirint lis origjins)
   3. telecom. alterazion o disturp de comunicazion telefoniche par fenomens di diafonie
   4. biol. fenomen di inibizion de cressite di un virus in celulis infetadis prime di un altri virus
   5. gjenet. fenomen di unicitât di interscambi tra cromosomis omolics
   6. mec. intun cubiament fis di doi elements, diference tra lis dimensions efetivis, cun maiorazion dimensionâl de bande interne a pet di chê esterne
   7. mec. intune cubie di ruedis dintadis, compenetrazion dal profîl di une cun chê altre
   8. ling. trasformazion dal significât di une peraule par vie de soreposizion di un altri significât daûr di etimologjiis popolârs o semicultis
   9. ling. ogni mudament fonetic, morfologjic, sintatic o lessicâl gjenerât de influence di un sisteme linguistic suntun altri:  il lessic di pre Pieri al è chel di un furlan sclet, che però al acete ciertis interferencis de lenghe taliane (Adrian Cescje, Memoriis di politiche linguistiche)
   10. psic. procès di inibizion o di contaminazion tra aprendiments diviers e la lôr memorizazion
2. s.f. (fig.) soreposizion di azions, competencis, ideis che si influencin e che si disturbin:  Jacop al veve di stâ atent a dutis lis interferencis, comprendudis chês di cûr, che a podevin meti in pericul il progjet (Raffaele Serafini, Contis sot spirt)
   Cfr. complicazion , berdei , gredei , imberdei , ingredei
   
   1. il jentrâ intun cjamp di azion, di discussion, di decision e v.i. che nol è tes competencis legjitimis:  al è fondamentâl di fâ cessâ lis interferencis esternis che a saborin i conflits (Renzo Balzan, La Afriche e mûr); il Friûl al à di podê decidi di bessôl - cence interferencis triestinis - ce fâ achì e sui marcjâts internazionâi pal disvilup de sô economie (Arnalt Baracêt, Lavôr e autonomie)
      Sin. ingjerence , intrusion