intant
/-à-/
in|tant
[FO]
-
av.
tal stes timp, tal stes moment:
la fantate i conte dut ce che i jere sucedût e intant e vaìve disperade (Andreina Nicoloso Ciceri, Blancje come la nêf - Racconti popolari friulani I)
-
fin che no cambie une cierte cundizion, situazion e v.i.:
chel maledet di un timp nol vûl metisi a bon e intant ducj i lavôrs si ingrumin (Pieri Somede dai Marcs, Resurezion a Pontinie)
-
av.
cun valôr pleonastic o dome di leam naratîf intant che si conte:
cualchi fi al rivà, intant, a fâ scjassose la famee di siore Lise (Maria Forte, Cjase di Dalban)
-
av.
cun valôr aversatîf o par dâ plui fuarce a une coniunzion aversative:
o disarês che chestis a son bausiis che no fasin mâl a nissun: ma intant a son bausiis (Josef Marchet, Lis predicjis dal muini)
-
av.
cun valôr conclusîf, par esprimi la sodisfazion e la cussience di vê otignût alc:
e jere deventade masse parone, plene di strambariis come par fâmi inzelosî. Lu faseve forsit par scuindi alc di se. Ma jo intant mi jeri stufât des sôs mignassis (Alan Brusini, Gian Paolo Linda, I forescj)
Sin. infin
, ae fin
, insom
-
av.
par indicâ ce che si à di dî par prin o l'inizi o la part plui impuartant di une liste, di une argomentazion e v.i.:
intant bundì!;
cun chê mozion il Comitât al dîs «di interpretâ il pinsîr di ducj i furlans». E cheste e je une bale. Intant nol interprete il nestri - che al ven a jessi il pinsîr di cualchi miâr di furlans nestris abonâts, letôrs e amîs (Josef Marchet, Cuarde e savon);
mi plâs par tancj motîfs. Intant e à dai biei lavris. Une biele musute di miluçut. Des bielis gjambis e un biel cûl (Checo Tam, Queen Anastasia)
Sin. prin di dut
, prime di dut
, prin
, prime1
Polirematichis e espressions idiomatichis
Proverbis:
- intant al murirà il diaul cun dute sô mari
- intant che i litighents a tirin la vacje, un pai cuars e un pe code, i avocats a molzin
- intant che la biele si cjale tal spieli, la brute si maride
- intant che si pense ai fats dai altris, si dismentee i siei
- spiete che intant al creparà il mus o il peçotâr