infidâsi
in|fi|dâ|si
[AF]
-
v.pron.intr.
vê sperance, cuntune cierte sigurece e volontât, che cdn. si compuartarà intune cierte maniere o che alc al sucedarà intune cierte maniere:
al compagnave il Crist jù pe viate, al intropave la int, po al tornave indaûr a dâ une man ae Statue, che dai zovins no si po mai infidâsi: guai che ur fos mancjât un pît jù par chei grebanos! (Riedo Pup, Moris di baraç - Il Strolic furlan 1965)
Sin. crodi
, fidâsi
, fâ stât
-
calcolâ che cdn. al disi la veretât, che al sedi tal just e sim.:
omenuts pôc di sest che a van ator disint che lôr a son galantoms e che di lôr bisugne infidâsi (Riedo Pup, Ocjo di no pintîsi)
-
calcolâ che alc al puedi dâ sigurece:
la storie ur à insegnât a no infidâsi ni des promessis ni dai zuraments ni dai tratâts dal guvier talian (Josef Marchet, Lôr no molin e nô no molìn);
nol si infidave masse dal timp, e di fat, intant che al lave in privative a comprâsi un toscan, l'aiar al deventà scûr intun nuie (Carlo Sgorlon, Prime di sere)
-
v.pron.intr.
vê il cûr, l'ardiment di fâ alc:
nissun uficiâl si jere mai infidât a lâ dentri (Alan Brusini, I universitaris);
nissun si infidave di fâlis, lis stradis, par pôre che e tornàs une montane a sdrumâ dute la vore (Stiefin Morat, Microrivoluzions);
al cjalave il cîl dai barcons, come se al volès studiâ il timp, par viodi se al podeve infidâsi di metisi in viaç une altre volte (Carlo Sgorlon, Il dolfin)
Sin. fidâsi
, olsâ
, permetisi
Proverbis:
- no bisugne mai infidâsi dai sants che a cjiin