permetisi
/-mè-/
per|me|ti|si
[AF]
-
v.pron.tr.
cjapâsi une libertât o une licence, ancje lant cuintri di une regule, di une autoritât, di une situazion che e imponarès moderazion o sim., dispès in espressions enfatichis o retorichis:
nô no podìn permetisi di sei dolçs di cûr, cul riscjo di falâ (Roberto Ongaro, Il muc);
se cualchi volte al si permet di dâ une pontade polemiche cuintri gjornaliscj e politicants, no si po dâi tuart (Giovanni Pillinini, Zuan Batiste Cavedalis - Une vite esemplâr);
a àn protestât parcè che il plevan di Vençon si è permetût di screâ la glesie de sô comunitât cu la lenghe de comunitât stesse (Antoni Beline, Sant Jacum, là che al finìs il mont)
Cfr. olsâ
, azardâsi
, provâsi