provâsi  pro|vâ|si  [CO]

  1. v.pron.tr. provâ alc intor di se stes, soredut vistîts o scarpis o altri par viodi se la misure e je juste e se a parin bon:  Eliseo al le disore a provâsal. Al jere un biel vistît di regadin (Carlo Sgorlon, Prime di sere)
  2. v.pron.intr. meti impegn par fâ alc, spec. cence vê la sigurece di rivâ:  a volerin provâsi ancje lôr a fabricâ une glesie. Claps, gracie a Dio, a 'nd vevin in abondance; e ancje savalon, e lens di cuei la cjalcine (Luigi Gortani, Il Deu di Cjargne); "Tu âs di fâmi dome il plasê di vierzi i voi a chel puar frut." [...] "Santule, mi provarai: ma, se si inrabie?" (Anute Fabris, A passe la scalmane)
    Sin. provâ , cirî , tentâ , procurâ
    1. fâ o tacâ a fâ alc par viodi, o in câs ancje par patî, lis consecuencis, ancje in formulis di avîs, di sfide o di menace:  "O voi ma o tornarai..." "Che a si provi ..." "O tornarai sì, ostro se o tornarai..." (Pieri Somede dai Marcs, Cjase di fitâ); "Une volte o la altre, Lenute, ti mangji il cuel di bussadis..." "Proviti, se tu sês bon!" (Dino Virgili, La aghe da pît la cleve)
  3. v.pron.tr. dimostrâ alc a se stes:  par no viodimi falide dal dut, par provâmi che o soi buine di rivâ insom a alc (Stefano Gasti, Roberta Orepresint)