in gjambe
[CO]
-
loc.adi.inv., loc.inter.
in buine salût, ancje tant che formule di auguri:
"Vô e sês simpri in gjambe, eh? Aghite" "Si tire indenant fin che si po. La peleate e je buine […]" (Ercole Carletti, L'amôr vieri);
batint une man su lis spalis dal zovin il vecjo i à dit: «Simpri in gjambe, fantat…!» E al è jessût dal puartonut (Pieri Menis, Vigji il cuintribandîr)
-
loc.adi.inv.
brâf, plen di capacitâts, di inteligjence, di iniziative:
viodint a vignî gnot e a no tornâ la compagnie, pre Florio al fâs sunâ lis cjampanis a martiel, clamant la int su la place. Al sielç une scuadre di parochians dai plui in gjambe e, lui denant di ducj, si inviin a cirî i alpins pierdûts (Pieri Menis, La glesiute dai alpins);
colaboradôrs a son ducj int in gjambe, inteligjents, zovins, interessants, promessis dal gjornalisim (Bete di Spere, Abonaments)
-
loc.av., loc.adi.inv.
une vore impegnât:
Milie dut il dì e jere stade in gjambe, cence padin par preparâ il gustâ dal doman, par meti in sest la cjase, dal cjast ae cantine, par passâ i mobii, un par un, che cumò a lusivin come spiei (Pieri Menis, Si disarès che e je inventade);
al cjatave la Menie simpri in gjambe tes voris (Maria Forte, La fie çuete)
Sin. su la gjambe
-
loc.av., loc.adi.inv.
te disposizion psicologjiche juste:
pre Nardon, tel tornâ in sacristie, al mande a clamâ chel puar convertît, par domandâlu se mai par sorte al si sintìs in gjambe di riconciliâsi cul Signôr (Giovanni Gortani, Un mus che al va frari)
-
loc.av., loc.adi.inv.
in bon ecuilibri:
al si ten pôc in gjambe, ma nol è dal dut cjoc (Pieri Somede dai Marcs, Al fresc)
Sin. a plomp
, dret
, in pîts
, impins
Components: