ghirlande
/-à-/
ghir|lan|de
[CO]
-
s.f.
corone di rosis e fueis, soredut di meti tal cjâf o tor dal cuel:
met sul cjâf cheste ghirlande / di violis, dulipans, / di amorins e di levande / fate sù cu lis mês mans (Toni Broili, I trucs furlans 1847);
[la nuvice] sore lis strecis e veve une ghirlande di rosis rossis (Alan Brusini, Amîs come prime)
Sin. zoie
Var. zirlande
-
corone di rosis o di fueis, pal solit di orâr, in onôr di monuments, muarts e v.i.:
"O vorès vê une ghirlande di rosis, par puartâle su la tombe de mê puore muîr" (Vittorio Vittorello, A ogni cost);
la liturgjie eroiche des medaiis, des bandieris, des drapelis, des ghirlandis di orâr (Josef Marchet, Pronostics)
-
decorazion di rosis o fueis, fate ancje dome a strece, no a corone:
grancj festons di orâr e un grun di ghirlandis di rosis jarin pa li contradis, parsè in chê dì doveva sposâsi la fia dal re (Ranieri Mario Cossâr, Il 'sinar dal re);
a rivarin te sale di bal che in chê sere e jere furnide miôr di simpri: su lis parêts tor intor, ghirlandis di rosis di cjarte; dal sofit a pendolavin lampionuts colorâts (Roberto Ongaro, Cretevierte)
-
s.f.
(fig.)
cualsisei robe che e stedi tor ator, che e fasi un zîr o sim.:
come in ghirlande / e stan i cjaçadôrs armâts di sclope (Guido Podrecca, La strie par l'an 1888)
Sin. corone
, zîr
, cercli
, circul
, anel
, zoie
