funzionâ
fun|zi|o|nâ
[FO]
-
v.intr.
di mecanisim, machine, imprest o sim., fâ la sô ativitât, rivâ al so obietîf:
i panei fotovoltaics di vuê a son cetant plui eficients des centrâls termoeletrichis che a funzionin a lens (Dario Bianchini Giaiotti, Fulvio Stel, Energjiis rinovabilis in Friûl-Vignesie Julie: ce che al è disponibil e a cualis cundizions);
o ai metût adun une radio a galene intal mio studi. E funzione benon (Checo Tam, X-Reihen)
Sin. cjaminâ
, cori
, lâ
, lavorâ
-
v.intr.
di orghin, struture anatomiche, facoltât fisiche o psichiche e v.i., fâ la sô ativitât funzionâl:
cirî di capî cemût che a funzionin il cerviel e la psiche umane (Franc Fari, Eric Pascul, Autonomie e democrazie, i numars de socializazion umane)
Sin. lavorâ
-
v.intr.
di ent, aziende e v.i., puartâ indevant il so lavôr:
la Scuele mosaiciscj dal Friûl, la plui impuartante a nivel mondiâl. E funzione dal 1922 (Oscar Puntel, Mosaic, une art furlane)
Sin. lavorâ
, jessi in vore
-
fâ une cierte ativitât o funzion, ancje se no je te normalitât o se e je provisorie:
il comitât di liberazion da la Alte Italie al funzionave di guvier da un pôcs di dîs incà (Pieri Somede dai Marcs, La ultime firme de mê podestarie)
Sin. fâ
, lavorâ
, jessi in vore
-
v.intr.
vê bon efiet, dâ bogns risultâts, lâ indevant ben e v.i.:
i messaçs, par funzionâ, a àn di sei curts e capîts di ducj (Sandri Di Suald, Comunicâ la autonomie)
Sin. fâ efiet
-
lâ indevant ben:
se la int e reste [a vivi in mont] - a disin in Austrie - dut al funzione: stradis, boscs, prâts, aghis (Riedo Pup, I furlans e i prâts)
-
ancje di cdn., cjatâsi ben, lavorâ ben:
i capuçats […] si judavin, magari baratantsi, se al jere il câs, cualchi lavorent che nol funzionave o che al veve vût ce fâ cu la polizie (Pieri Menis, Une letare par Bepo)
-
v.intr.
celebrâ un rituâl religjôs:
il capelan di Piluver al jere frecuent a Vençon. A fâ spese,[…], a bevisi il tai, […], a funzionâ tes sagris e fiestis grandis, che al veve dirit dal tierç (Antoni Beline, Pre Pitin)