frute
fru|te
[FO]
-
s.f.
persone di ses feminin te etât de infanzie:
e zire la gjostre! A montin sù fruts, frutis, fantatis; si rît e si bacane (Pieri Somede dai Marcs, La cavalarice);
i fruts ur corevin daûr a lis frutis cun chê di fâlis imbesteâ (Laurin Zuan Nardin, Daringad)
Sin. bambine
, canaie
, fie
, fiole
, piçule
, pine
, pueme
, pupine
Cfr. frut1
-
(fam.)
fie:
intal 1960 si son sposâts e a àn vût dôs frutis (Cristina Noacco, Faliscjis)
Sin. bambine
, canaie
, fie
, fiole
, piçule
, pine
, pueme
, pupine
-
s.f.
fantate, femine une vore zovine o zovine:
alore us contarai. Jere une volte une frute. Disevin che sei stade une biele frute. More jere e veve sedis agn (Dolfo Zorzut, No je plui vive);
al si decidè a vierzi il so cûr a di chê frute, e al i palesà il so amôr (Zuan Lurinçon, La Madalene);
e vô stele tramontane, / se savessis fevelâ, / un salût a di chê frute / jo par vô vorès mandâ (Popolâr, E vô stele tramontane)
Sin. pueme
, fantate
, frutate
, zovine
-
s.f.
apelatîf, ancje cun afiet o ironie, par une fantate o ancje une femine di cualsisei etât:
tu, frute, torne a cjase tô e sta cuiete. Cun to pari a fevelaran Berto e Nedo (Gianni Gregoricchio, Trê feminis)
Sin. bambinele
, biele1
, nine
, ninine
, frutate
, fantate
-
s.f.
femine zovine, che si à une relazion sintimentâl o che si è inamorâts:
al à volût lâ a cjatâ une sô frute là sù di bessôl, une gnot che e jere tant scure che mai (Meni Ucel, Usancis)
Sin. frutate
, fantate
, pueme
, morose
Proverbis:
- al è râr di cjatâ une frute che di cuarp e di cûr e sedi sane dute
- fruts cun fruts e frutis cun frutis