fantate
/-tà-/
fan|ta|te
[FO]
-
s.f.
persone di ses feminin che e je plui cressude di une frute, ma che e je plui piçule di une zovine o che e je tai prins agns de zoventût:
a sedis agn, Menie e jere brave e buine come dutis lis fantatis (Catarine Percude, La mulinarie);
la Malie, une des dôs fiis di Gjildo: un toc di fantate par ca, cuntun fas di cjavei e doi voi di no crodi (Meni Ucel, Il sunsûr)
Sin. frutate
, frute
, mamule
, mule
, polece
, polzete
, pueme
, zovine
-
s.f.
femine zovine no ancjemò maridade:
dopo sposade a si ricuardarà di chê plante là che jê di fantate a platave i siei voi di more nere cuant che il morôs al passave li disot vie (Dolfo Zorzut, Lis fucsiis)
Sin. frutate
, pueme
, signorine
, zitele
-
s.f.
femine zovine che cun jê si à un leam di amôr:
al va in smanie il morôs pa sô fantate (Pieri Çorut, Il lôf di Luncjamp);
o metevi vie carantan parsore carantan par podêmi, un pôc a la volte, preparâ a dâ el mio non a la fantate… (Arturo Feruglio, I purcjinei)
Sin. frute
, mule
, pueme
, zovine
, morose
-
s.f.
(coloc.)
zovine lavoradore, pal solit cun mansions lavorativis gjenerichis:
siôr Meni si ere inrabiât cuntune fantate de sôs parcè che a trê clients che e volevin lis tripis, ur veve dite che no ’nd ere (Alan Brusini, Amîs come prime)
Sin. frutate
, frute
, garzone
Proverbis:
- a fantate biele, brut fantat
- a ogni fantate i stan ben doi solt di tentimbon
- cuant che a son di maridâ nissun fantat al è puar, nissune fantate triste
- cui che al vûl une buine fantate che se fasi
- daspò cjapât sù trê voltis il fûs a une fantate, si sclape la fave
- la avemarie sunade, la fantate sierade
- la fantate no cjale il gjalinâr ma il gjal
- nissun fantat no si maride puar, nissune fantate triste
- no cjar di becjarie, no fantate di ostarie
- purcit di mulinâr, cjan di becjâr, fantate di ostarie no convegnin ogni massarie