biele1
bie|le
[FO]
-
adi.
viôt biel
-
s.f.
femine cognossude pe sô bielece o che si impâr pe sô bielece:
tra un trop di morbinôs / che i fâs corone intor, / la biele del Cormôr / passe ridint sot coç (Pieri Çorut, I bagns di Betine);
come dutis lis bielis, e jere un pôc bule ancje jê e e tignive a metisi in mostre e a fâsi amirâ dai fantats (Meni Ucel, Il sunsûr)
-
(fam.)
la femine o fantate che si vuelii ben:
[il princip] al dismonte e al va a viodi, e al cjate la sô biele dute nude tal forment (Andreina Nicoloso Ciceri, La fie e la fiastre - Racconti popolari friulani I)
Cfr. morose
, zovine
, frute
, fantate
-
s.f.
redazion curade di un scrit, pronte par jessi consegnade:
capît che la sô produzion di lampadinis e faseve gole ae concorence e difident ce che al coventave, si è cjalât ben di meti in biele lis ideis che i vevin permetût di meti in pîts une industrie in espansion (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)
Sin. biele copie
-
s.f.
partide che e decît un risultât definitîf, che e permet di determinâ il vincidôr definitîf di une serie di partidis:
intant ancje il timp al veve bonât alc, e lôr a finivin la partide: la biele… (Dino Virgili, La aghe da pît la cleve)
-
adi., s.f.
(ancje antifr.)
in espressions elitichis, notizie, azion, vicende, disade e v.i. interessante, no spietade, curiose e v.i.:
e la biele e je che i citadins a volaressin vê il lat, il formadi, la spongje gjenuins e bogns ma no lis vacjis e il ledan (Riedo Pup, I furlans e il ledan);
"È une buine femine, ma a 'nd à cualchi volte propit di bielis, cui le ten cun chê lenghe […]" (Pieri Somede dai Marcs, Vilie di Nadâl (teatri));
nus è tocjade biele, puars nô! (Jolanda Mazzon, Cungjò Friûl)