frutate
/-à-/
fru|ta|te
[FO]
-
s.f.
persone di ses feminin che e je plui cressude di une frute, ma che e je plui piçule di une zovine o che e je tai prins agns de zoventût:
une frutate e à dute la vite denant di se (Josef Marchet, Lis predicjis dal muini);
pe strade a passavin trops di int a pît che a ridevin e a fevelavin a fuarton, massime zovins. Frutats e frutatis si corevin daûr soflant tes pivetis di cjarte colorade (Mario De Apollonia, Il timp par ledrôs)
Sin. fantate
, frute
, mamule
, mule
, polece
, polzete
, pueme
, zovine
Var. furtate
-
s.f.
(fam.)
persone rispiet a sô mari o so pari, fie:
"Cheste matine a Messe ai viodude chê puare frutate di Toni di Roc" "Rosute?" "Sì" (Pieri Somede dai Marcs, Vilie di Nadâl (teatri))
Sin. frute
, fie
-
s.f.
femine zovine no ancjemò maridade:
Agne Sofie di frutate e faseve l'amôr cun Davide Cjapon (Pieri Menis, Sot il puarti)
Sin. pueme
, signorine
, zitele
-
s.f.
femine zovine che cun jê si à un leam di amôr:
al jere lât a cjantâ madresse sot il barcon de sô frutate (Dino Virgili, La aghe da pît la cleve)
Sin. frute
, mule
, pueme
, zovine
, morose
-
s.f.
zovine lavoradore o servidore cun mansions gjenerichis:
e rivave pueste de prime fie Dusuline, a servî a Turin di frutate tune cjase di siôrs che i volevin ben come a une fie (Ivano Urli, La mance)
Sin. fantate
, mule
, garzone
, frute
, pueme
