forcjàs
for|cjàs
[CO]
-
s.m.
imprest de agriculture fat di un mani lunc di len cun insom doi o plui dincj, pal solit di fier, plui grant de forcje:
dal cjast si bute jù il fen cul forcjàs (Franco Marchetta, Madalene)
Sin. stangjaç
Cfr. forchet
, forcje
-
s.m.
cualsisei element o struture cuntune estremitât cun dôs o plui pontis:
une grande rovedone denant e une rovedute daûr, […] el careghin di sintâsi, un forciàs cui cuars par tignîsi: in sume un velocipit, come che o disevin nô scuelârs (Vico di Cec, El prin velocipit)
Sin. glove
-
ramaç che si divît in plui pontis:
i lens a slargjavin i forcjàs cuintri il nulât, pôi e vencjârs a sgriavin il cîl (Maria Forte, L'avôt)
-
piertie di sostegn che e finìs cuntune glove:
cualchidun al veva tirât un fîl di fier, che a si podeva alsâ e sbassâ cuntun forcjàs, in môt che li feminis dal borc a podessin meti a suiâ (Renzo Peressini, Leo, Regina e Beta)
-
ancje in riferiment a ognidune des pontis:
al scomençà cul cirî fûr un biel ramaç a forcjàs: tant lunc il len e tant i doi forcjàs (Maria Forte, Il vecjo famei)
Sin. dint
, cuar
, ponte