foradorie
/-dò-/
fo|ra|do|ri|e
[CO, TS]
-
s.f.
marang.
imprest a man avonde grant, par fâ busis, formât di un mani di cjapâ cun dôs mans e di une ponte spiçade e scanalade a bovul:
ogni çatâr al devi puartâsi daûr une cuarde lungje dai 15 ai 20 metros, grosse 30 milimetros, une manarie e une foradorie (Luigi Gerussi, Descrizion di une çate);
al cjol une foradorie, al fâs une buse tal çoc dai morârs e dentri al met un piç di sâl. In pôcs dîs la fuee si flapìs, si secje, e cole (Toni Bidel, Dôs di pre Checo)
Var. foredorie
Cfr. furducje
, ceolarie
, trivele
, forestagne
-
s.f.
(fig.)
ce che al sbuse, ancje in sens astrat
-
s.f.
(fig.)
moviment circolâr di aghe o di aiar, aiar che al zire tirant jù o tirant sù:
une foradorie di bovadice si jevà dal curtîl (Dino Virgili, La aghe da pît la cleve);
tal mieç dal lât, li che e vevin fate chê buse, e je ancjemò come une foradorie di aghe soteranie che e tire e e glot lis barcjis e chei che e van a nadâ (A. C., Il diluvi di Sant Denêl)
Sin. gorc
, mulignel
, trombe
, mulin
, tulmignon
