Dizionari de Lenghe Furlane

fiscâl  fis|câl  [CO]

1. adi. che al inten il fisc, lis tassis e v.i.:  parcè, mo, in cuarante agns che o sin in fraie cu la Americhe, i nestris sorestants no son rivâts adore di copiâ chel biel sisteme fiscâl là? (Riedo Pup, Par paiâ al vûl mistîr); un altri 48% de popolazion al è a pro di une autonomie plui fuarte di chê di cumò, cuntun Parlament sart e une sovranitât che si puedi palesâ ad in plen almancul tal cjamp fiscâl (Marc Stolf, Sarts arûts, prin di dut)
   Sin. tributari
2. adi., s.m. [FÛ] funzionari che tai procès al difindeve i interès de leç o de autoritât costituide:  al veve scrite la pantumine dal so procès tun tribunâl di chê fate. L'incuisitôr, un frari cu la barbe, mestri di sacre teologjie; il vicjari gjenerâl; il segretari che al scriveve cu la plume di ocje; il fiscâl simpri un nobil dal puest […] (Alan Brusini, Come tai romançs)
3. adi. [CO] (fig.) une vore pignûl e sevêr tal fâ rispietâ lis normis:  al è un paron masse fiscâl (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
   Sin. dûr , inflessibil , intransigjent , rigorôs , sevêr , tichignôs , puntiliôs , meticolôs , pedant

Polirematichis e espressions idiomatichis

• evasion fiscâl loc.s.f.
• evasôr fiscâl loc.s.m.