Dizionari de Lenghe Furlane

fâ in timp    [CO]

1. loc.v. rivâ a fâ alc tal timp che si à o dentri di un tiermin ultin o prime che al sedi tart:  "Cu la sô barcje o mandarìn a Vignesie il tesaur des Vilis, par che nol vadi a finî tes mans dai çafs di Massimilian…, se o fasarìn in timp … Che al parecji la barcje […]" (Alviero Negro, Strumîrs e Çambarlans)
   Sin. rivâ , rivâ adore , fâ a timp
2. loc.v. (fig., iperb.) in espressions, ancje negativis, che a segnin che alc al sucêt une vore svelt, di maniere che cui che al è dentri o dongje dal fat al fâs fadie a stâi daûr o al à pôc timp par capacitâsi:  nol veve fat in timp a tirâsi indaûr, che Setimio al jere bielzà saltât intor di lui e al veve scomençât a scoreâlu (Gianni Gregoricchio, Îr e doman)
   Sin. rivâ , rivâ adore , fâ a timp

Components:

• fâ v.tr., s.m., v.intr.
• timp s.m.