Dizionari de Lenghe Furlane

fâ a timp    [CO]

1. loc.v. rivâ a fâ alc tal timp che si à o dentri di un tiermin ultin o prime che al sedi tart:  miôr cjapâsi prime par fâ a timp di finî ben il lavôr
   Sin. rivâ , rivâ adore , fâ in timp
2. loc.v. (fig., iperb.) in espressions, ancje negativis, che a segnin che alc al sucêt une vore svelt, di maniere che cui che al è dentri o dongje dal fat a fâs fadie a stâi daûr o al à pôc timp par capacitâsi:  "No si fâs a timp nancje a vignî a savê che o fevelais, e o sês za culì…" [a fâsi dî in glesie] (Dino Virgili, La aghe da pît la cleve); nol faseve a timp a rispuindi a une domande che subite jê e faseve une altre (Franca Mainardis, Il sium di Lissandri)
   Sin. rivâ , rivâ adore , fâ in timp

Components:

• fâ v.tr., s.m., v.intr.
• timp s.m.