Dizionari de Lenghe Furlane

dutun  /-ùn/  dut|un  [AF]

1. av. insiemi, in compagnie:  "Ben, sâr pari, cumò no varês di ce lamentâsi mo: o sin ducj cun vô… e… jo e Nita e il frut o restarìn inmò cun vô… Dutun! o tornìn a cjase…" (Dino Virgili, La aghe da pît la cleve)
   Sin. insiemi , intune , adun , intun
   
   1. tal stes timp, te stesse volte, sedi cun valôr temporâl che concetuâl, funzionâl e v.i.:  vaî e ridi dutun (Pieri Somede dai Marcs, A la oselade); […] une Glesie di Aquilee autonome, come che e jere stade te storie plui lusorose di cheste tiere, e jere une idee profetiche di pre Checo. E jere une idee politiche e religjose dutun (Adrian Cescje, Memoriis di politiche linguistiche)
2. s.m., pron.indef. complès considerât une robe sole:  un pas vuê un pas doman, Vera e la int dai curtîi dulintor a deventin dutun (Ivano Urli, Storie di Vera); famee e lavôr, par Zuan, a jerin dutun, e nol maravee che un cussì al vedi pensât di meti a buteghe, dal 1894, ducj i fîs (Raffaele Serafini, Contis sot spirt)
   Cfr. istès , compagn , insiemi , adun , intune

Polirematichis e espressions idiomatichis

• dutun cun loc.prep.
• fâ dutun loc.v.

Proverbis:

• bêçs e fam a son dutun