distirât
dis|ti|rât
[AF]
-
p.pass., adi.
viôt distirâ
, viôt distirâsi
-
adi.
metût in posizion orizontâl e par lunc:
i umign a polsin un pôc, distirâts ta la ombrene des paugnis cu lis mans sot dal cjâf e il cjapiel su la muse (Dino Virgili, La aghe da pît la cleve);
mieç dismot, distirât tal jet dal ospedâl, Zorç al cjale fûr (Gianfranco Pellegrini, Torse Sand Creek);
plantis forestis za grandis e vecjis, che a rivin distiradis sui camions (Riedo Pup, I furlans e il zardin)
Sin. pognet
, poiât
Cfr. butât
-
che al cjape une cierte estension, soredut orizontâl:
il so pinsîr al leve al so paîs di Altane dute distirade tal soreli cun parsore, cuintri dal cîl, une schirie di cjariesârs in flôr (Alan Brusini, Il mâl dal tor)
-
adi.
che al dure avonde, che al dure plui dal normâl:
di ca, di là, vigniva a la vuarela, framieç al strepit dei tons e a la cjaduda de la aga che si rompeva in se stessa, il sun distant e distirât di cualchi cjampana che al preiava la grazia di Dio framieç al temporâl che infuriava (Federigo Comelli, Il me paîs);
tignî cuietis tantis feminis strentis dongje par un timp tant distirât, al jere un afâr intrigôs (Maria Forte, Cjase di Dalban)
Sin. slungjât
, strissinât
, slumbriât