discjamâ
dis|cja|mâ
[AF]
-
v.tr.
il tirâ jù une cjame, un caric, un pês e v.i.:
intant che o discjamavi la valîs de veture al coridôr glaçât, la femine alte e magre, dute a neri mi cjalave (Alan Brusini, Gian Paolo Linda, I forescj)
-
molâ jù une cjame, un caric e v.i.:
cumò a fasevin il pedrât. I camions a discjamavin i claps e i manoâi a vevin di sparniçâju (Carlo Sgorlon, Prime di sere);
a riva la coriera, chê das siet, e a discjama i pendolârs (Giorgio Ferigo, Sabida di sera)
-
liberâ di une cjame di un caric, di un pês e v.i.:
la famee e rivà une setemane dopo cuntune sglavinade di mobilie, di pacs e di valîs. E coventà mieze zornade par discjamâ il camion e par meti in ordin la cjase (Gianni Gregoricchio, Trê feminis);
al era turbiu chel dì e a vevin tirât dongja dut il fen dai prâts lontan: amîs e femini tal curtîf, a discjamavin i cjars cu la scalmana, da poura da la ploa (Novella Cantarutti, "Prît!")
-
v.tr.
(fig.)
gjavâ o liberâ di cualsisei robe, ancje imateriâl, o ancje di cdn. che si puedi calcolâ un pês:
un espedient che la vite nus met sot il nâs par discjamânus de colpe di vê fat deventâ il timp paron di nô stes (Marisa Gregoris, Insumiâsi)
Sin. diliberâ
, liberâ
, slizerî
-
v.tr.
(fig.)
fâ colâ su cdn. alc, ancje imateriâl, o ancje cdn. che si puedi calcolâ un pês:
une grande improvisazion basade sul discjamâ ogni rogne viers il bas e su lis spalis dai sindics e dai comuns (Igor Londero, Cuintristorie dal taramot);
al ven puartât a Udin, a Sant Svualt. Ma po dopo, al ven discjamât su la gobe de famee (Angelo Floramo, Stupit di vuere)
-
v.tr.
[TS]
eletr.
fâ in maniere che alc al pierdi une cjarie, une cjame, une cuantitât di energjie
-
v.tr.
[TS]
tecn., inform.
meti dâts, documents, audios, videos, imagjins e v.i. di un supuart a un altri o de rêt a un supuart locâl:
ur domandìn di sotscrivi chest apel, discjamâlu di Internet, fânt copie, discutilu in public (Comitât 482, FIRMAIT L’APEL Pe dignitât e pal avignî de lenghe furlane pai dirits di dutis/ducj);
discjamâ la tastiere furlane di http://claap.org/tastiere-furlane/ e seguî lis istruzions (Andrea Decorte, Cemût… digjitâ furlan!)
Sin. discjariâ
, scjariâ
, scjamâ
, tirâ jù