Dizionari de Lenghe Furlane

disbassâsi  dis|ba|ssâ|si  [AF]

1. v.pron.intr. pleâsi injù:  il vecjo si disbasse a cjalâ alc atri (Maria Forte, La tiere di Lansing)
   Sin. pleâsi , tirâsi jù , sbassâsi
   
   1. vê une forme o une direzion che e va injù:  la corone des monts si impalidive e culine e planure si disbassavin glotint i paîs (Domeni Zannier, La crete che no vai)
      Sin. lâ jù , sbassâsi
   2. vê o fâ un moviment che al va injù:  se si bute un clap [ta la aghe], si lu viôt a disbassâsi planchin, come une fuee che si distachi dal ramaç (Dino Virgili, Un riul tra Venit e Friûl)
      Sin. lâ jù , sbassâsi
2. v.pron.intr. deventâ plui bas, plui piçul, minôr, mancul fuart, mancul bondant e v.i.:  chest nivel [di testosteron] al cale e a si manten bas, par dopo tornâ a cressi dilunc vie de pubertât e disbassâsi grât a grât cul vignî incà de vecjaie (Franc Fari, Eric Pascul, Autonomie e democrazie, i numars de socializazion umane)
   Sin. calâ , lâ jù , sbassâsi
3. v.pron.intr. (fig.) umiliâsi, pierdi o acetâ di pierdi la dignitât, l'onôr:  "Ma... al sa... fâ debits, a dì di vuê... Al ûl dî che o larìn pal mont, cumò il mont si viarç..." e a vevin dibisugne pardabon, e nissun si disbassave a cjapâ sù chei bêçs (Dino Virgili, La aghe da pît la cleve)
   Sin. ridusisi , sbassâsi
   
   1. acetâ di fâ alc par cortesie o par bontât, massime cuntun fâ di suficience