Dizionari de Lenghe Furlane

di proposit    [CO]

1. loc.av., loc.adi.inv. cun volontât e intenzion:  e telefonave diproposit cuant che e saveve che lui al jere in cjase (Gianni Gregoricchio, Trê feminis)
   Sin. a proposit , di pueste , a pueste , biel a pueste
2. loc.av., loc.adi.inv. cuntune funzion o cun efiets specifics, cu lis carateristichis justis par une cierte funzion o par vê cierts efiets:  [al à ordenât] al so avarissim esegutôr testamentari di astâ i siei bens e po di unî il rigjavât al so cadavar e sepelî il dut intune fuesse di proposit (Toni Broili, I trucs frulans par l'an 1847)
   Sin. a proposit , di pueste , a pueste
3. loc.av., loc.adi.inv. ben, bon, in mût convenient, util e v.i.:  Napoleon l'à crodût di proposit di scovâ fûr muiniis e fraris dai lôr convents e dai munistîrs (Giovanni Gortani, Un mus che al va frari); "No fevelait di proposit. Tu, Zuan Gambilin, ti dîs da la fan, dal freit. Ben, i patirìn dut, i sopuartarìn dut, ma a no sarà la muart sigura." (Pier Paolo Pasolini, I Turcs tal Friûl)
   Sin. ben , bon , just , pulît , di sest , a proposit
   
   1. di cdn., che al à carateristichis positivis di inteligjence, moralitât, spirt pratic e v.i.:  bisugne vê vidûts Fabris e Plet / e Cocul e Gazete e altris di lôr, / personis di proposit, di concet (Pieri Corvat, El cuarantevot)

Components:

• proposit s.m.