Dizionari de Lenghe Furlane

a proposit    [CO]

1. loc.av. in riferiment a alc che al è za stât presentât tant che argoment:  i sindics e i conseis comunâi de zone, domandâts a proposit, si son declarâts contents de idee (Ferruccio Clavora, Impegn e svilup pe mont)
   Sin. in proposit
   
   1. ancje par formâ incîs cun valôr enfatic:  «E la storie dal princip Eugenio e dal gjenerâl Sanculot?» «A proposit, cemut ise finide?» Mirai ur rispuint: «No la savês voaltris, e jo ancjemò mancul.» (Giovanni Gortani, A la sagre di Mion); "Chel là vie al è el palaç dai Labia. A proposit, i aial contade nissune storie el professôr di viulin?" (Arturo Feruglio, Viaç a Vignesie)
2. loc.av., loc.adi.inv. cun volontât e intenzion:  "Doman o decidìn, Pieri" i disevi a proposit. "Cun comut, dotôr. Culì no si fâs nuie in presse." (Alan Brusini, Gian Paolo Linda, I forescj)
   Sin. di proposit , di pueste , a pueste , biel a pueste
3. loc.av., loc.adi.inv. cuntune funzion o cun efiets specifics, cu lis carateristichis justis par une cierte funzion o par vê cierts efiets:  chest l'è timp fat a proposit / par stâ unîts sot il camin / mangjâ bueriis, bevi vin (Pieri Çorut, Il Strolic furlan par l'an 1821); bisugna fâsi destinâ de la Superioritât comunâl un locâl a proposit par custodî, sença alcun pericul l'arestant (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
   Sin. di proposit , di pueste , a pueste
4. loc.av., loc.adi.inv. ben, bon, in mût convenient, util e v.i.:  in chista traduzion ai crodût a proposit nel scrivi, di fâ alcuantis ecezions (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
   Sin. ben , bon , just , pulît , di sest , di proposit

Components:

• proposit s.m.