demoni
/-ò-/
de|mo|ni
[AF]
-
s.m.
entitât sorenaturâl, cun atitudins diferentis daûr des culturis e des religjons e che te concezion cristiane e je un spirt dal mâl, un agnul che si veve rivoltât cuintri di Diu:
il zovin cun dut il so coragjo a 'nd ve un spac di chei bogns. Mil pinsîrs di striis e di demonis i passarin pal cjâf (Luigi Gortani, Un paîs misteriôs);
al mancjave simpri cualchidun, che nol veve resistût a lis lusinghis e a lis pompis dal secul e a lis tentazions dal demoni (Antoni Beline, La fabriche dai predis)
Cfr. diaul
, spirt
, gjeni
-
s.m.
(fig.)
persone une vore triste:
Bete e à cjolt chel forest, che, dopo, si è palesât un demoni (Meni Ucel, Rosaris)
Sin. diaul
, danât
, maledet
, satanàs
-
(ancje scherç.)
ancje tant che imprecazion o ofese gjeneriche:
«O demoni ! O cjan e fûr!», i disè. «Ti ai pescjât, po! Jo sudâ e tu robâmai? Eh, no! […]» (Meni Ucel, Zebec)
-
persone simpri in moviment:
i fruts, par fortune, le sbaldivin jemplant la cjase di berghei e di confusion. Cui podevial tignî fers chei demoniuts […]? (Maria Forte, Cjase di Dalban);
vitis, insome, di mangjâsi il fiât. Si stracave plui tal cirî di bonâju [i fruts a dutrine] che no tai lavôrs che ur stave daûr. Fin che une dì che chei cuatri demonis a jerin plui demonis di mai, strac, sfinît, scunît, al mole dut e al va a inzenoglâsi sul scjalin dal altâr maiôr (Meni Ucel, Il muini)
-
s.m.
(fig.)
persone, o ancje robe, cun cualitâts o capacitâts straordenariis, ancje positivis:
ve ve siôr Toni / il sunadôr, / il grant demoni / par fâ l'amôr (Pieri Çorut, Il trovatore Antonio Tamburo)
-
s.m.
(pop.)
robe cualsisei, soredut in sens negatîf:
Intant si fermin i autos che trombetavin, il tram che al scampanotave, bicicletis, carets, mil demonis, la int e rideve, e jo tire, vose, tire il mus, ma nuie cjo (Pieri Somede dai Marcs, Ursule)
Sin. intric
, diauleç
, strieç
Proverbis:
- a Nadâl un pît di gjal, prin dal an un pît di cjan, a Sant Antoni un pît di demoni
- nol è nissun matrimoni che nol jentri il demoni
- ogni famee al è un demoni e al mene la code pardut
- Sant Antoni, il frêt al va in demoni