Dizionari de Lenghe Furlane

dâ un voli    [CO]

1. loc.v. controlâ, ancje cence masse sfuarç, che alc al ledi ben o che cdn. al stedi ben o che si compuarti ben:  i rispuindei sut sut che i varès dât un voli a lis cjartis e che al spietàs il judizi de comission (Pieri Somede dai Marcs, Chel de formadiele)
   Sin. dâ un cuc , dâ une cjalade , viodi , cjalâ
2. loc.v. consultâ in maniere svelte:  dant un voli ae rubriche des rispuestis ai letôrs, par dut il 1946 almancul si cjate une vore di cuistions decisivis che a vevin di frontâ tal puartâ indenant il lôr progjet (Max Mauro, Felix Marchi e il sium dal furlan-furlan)
   Sin. dâ un cuc , dâ une cjalade , viodi , cjalâ
3. loc.v. (iperb.) dâ alc di une vore preziôs:  il me vizi le stât simpri la curiositât, e ciartis gnovitâts darès un voli a cognossilis (Federigo Comelli, Il me paîs)

Components:

• dâ v.tr., v.intr.
• voli s.m.