Dizionari de Lenghe Furlane

cuissà  cui|ssà  [FO]

1. av. par pandi dubi:  cuissà se e varès capît, perdonât? (Roberto Ongaro, Il muc)
   Sin. sâstu , a savê
   Var. cui sa
   
   1. ancje par pandi sperance, auguri:  cuissà se voaltris o podaressis judânus? (Franca Mainardis, Un bosc cence colôrs)
      Sin. vadì , va e no va , magari
   2. par esprimi indeterminazion:  i grancj gangsters a son stâts brincâts e metûts in galere no parcè che a vevin fat maçâ cuissà trops di lôr, ma nome par vie che no vevin paiât lis tassis (Riedo Pup, Par paiâ al vûl mistîr); un cuatri camions de crôs rosse, fers che a spietavin cuissà ce (Alan Brusini, Come tai romançs)
      Sin. sepi Diu
   3. tant che rispueste, par dî che no si sa, che no si pues savê:  "Vegnistu a bevi alc dopo?" "Cuissà. Vuê o ai pôre che il lavôr si slungjarà tant, ma in câs ti visi."

Polirematichis e espressions idiomatichis

• cuissà ce loc.adi.indef., loc.pron.indef.
• cuissà cui loc.pron.
• cuissà mai loc.av.
• cuissà nuie loc.av.

Proverbis:

• "se" e "ma" e "cuissà", a son trê peraulis di ponderâ