magari
/-gà-/
ma|ga|ri
[FO]
-
av., inter.
par pandi alc che si spere, che si volarès, ancje dome tant che preference:
mi vignarès voie di dîi: - Magari piês! - parcè che se à volude (Josef Marchet, Lis predicjis dal muini);
"Tu podaressis ben dâmi doi fîcs" e disè a Meni Fari. "Magari che fos bon di lâ sù ! Ma mi clopin lis gjambis […]" (Luigi Gortani, Meni Fari)
-
av.
par introdusi une eventualitât, une ipotesi, une probabilitât, une concession, une limitazion:
no ai rivât a fermâmi… ma magari la prossime volte che o rivi a vignî, ti visi e si cjatìn di persone (Christian Romanin, Sandra Pizzolitto Pupatello: «Furlan is better! Il Friûl? La puarte de Europe pal Canadà»);
ti tocjial mai a ti, letôr, di provâ une voie mostre di vaî […] magari intun lûc che al ricuardi alc de tô vite? (Pieri Menis, Cjasute dai ricuarts);
o cirivi alc di particolâr, saio jo, magari un elmet de Prime Vuere o une vecje sclope, cualchi bêç antîc… (Checo Tam, Sense);
«Soi paron jo!» dissal lui, che al varà magari bevût un tai, par vê chel estri (Ivano Urli, Veruska);
al domandà ae parone un puest par durmî, magari te stale, che lui al jere usât a dut (Maria Forte, Cjase di Dalban)
-
av.
par dâ plui enfasi:
al cjalave lontan, al smicjave cence magari viodi nuie di precîs (Alan Brusini, Gian Paolo Linda, I forescj);
mah, se magari, des voltis, tu nus dessis alc ce mangjâ che o sin plens di fam (Ivano Urli, Storie di Min)
-
av., inter.
tant che rispueste afermative:
"Vuelial un fregul di spongje? " "Magari, siore […]" (Alan Brusini, Gian Paolo Linda, I forescj);
«Vûstu che ti insegni a cuinçâ lis vîts?» «Magari» (Carlo Sgorlon, Prime di sere)
Sin. sì
, sigûr
, vulintîr
, po sì ve
, sì ve
, si sa po
Polirematichis e espressions idiomatichis
Proverbis:
- ce che al è just di fâ, bisugne fâlu e vonde, magari murî di fam
- magari in cjamese ma che al plasi
- magari picjât a un claut ma vivi
- se a 'nd è al è parint di magari