Dizionari de Lenghe Furlane

cudicj  /-ìcj/  cu|dicj  [CO]

1. s.m. diaul, entitât sorenaturâl triste te concezion cristiane e tes tradizions popolârs:  cjalant miôr, el lari di soreâl al à vidût che sul saret al ere el cudicj in persone. Al à cjapade une pôre che nissun sa (Popolâr - Istitût di Ricercje Achil Telin, El cudicj su le strade di Sât)
   Sin. diaul , demoni , satane
   Var. cudicjo
   
   1. ancje cun iniz. maiusc., come se al fos non propri:  cussì Cudicj, crustant i dincj pe fote, i tocjà di sfuî vie a platâsi (Josef Cjargnel, Il puint dal Diaul)
2. s.m. persone triste o cun capacitâts straordenariis, ancje no negativis ma che si vûl conotâ in maniere negative
   Sin. demoni , diaul
3. adi. trist, maledet, ancje tant che atribût gjeneric cuintri di cdn. o di alc considerât in maniere negative:  murmuiant cuintri il mont cudicj che a disasiet agns za mi siarava al dirit di vivi (Celso Macôr, Al perdon)
   Sin. diaul , maledet , malandret , sassin