covâ
co|vâ
[CO]
-
v.tr.
de gjaline, o ancje di altris uciei, tignî cjalts cu lis plumis de panze i ûfs o ancje i piçui:
[Catinuta] a gji faseva via pal dì visitis a la clocja co covava i pulissuts, e gji butava di mangjâ a li gjalinis (Ugo Pellis, Catinuta);
[la vuede] ju cove, ju clame / ju mene a passon, / ur sgarfe, ur insegne / il gran il plui bon (Zuan Batiste Galeri, La vuede)
Sin. clucî
-
(fig.)
tignî protet:
i vuelin ben ducj cuancj, oms e frutats, / lu covin: guai a chel che si azardàs / di cjalâ di brut voli «el professôr!» (Vittorio Vittorello, Il mio pitôr)
-
v.intr.
tignî dentri vie cence che si viodi:
la mê [ment], intal so segret, e à continuât a covâ il ricuart (Gianni Gregoricchio, Trê feminis);
o sintivi che dentri e covave une pene che la cruziave e che e scuindeve cun gjelosie (Maria Gioitti del Monaco, None Menie);
Nene e alçà i voi e alore la mularie se mocà fin sot il puarton dai Fresacs a covâ tristeriis (Maria Forte, Chel svampît di 'Sefut)
Sin. clucî
-
vê za une malatie, magari cun cualchi piçul sintom, ma cence che e sedi ancjemò sclopade dal dut:
covâ la influence
-
v.intr.
(ancje fig.)
stâ riparât, no viodût, no cognossût e v.i.:
sot de disperazion di chei agns desolâts, e covave la voie di riscat e di voltâ pagjine (Antoni Beline, Pre Josef e la Patrie. Une rose fluride in plen Unvier)
Sin. alberzâ
, covâsi
, coviglîsi
, imbusâsi
, intanâsi
, logâ
, nidiâ
, platâsi
, clucî
-
v.tr., v.intr.
cjapâ un ciert puest, un ciert volum:
chest armaron al cove unmont te cjamare (Giulio Andrea Pirona, Ercole Carletti, Giovanni Battista Corgnali, Il Nuovo Pirona);
"Eh! cjare muîr, le sapience no cove puest: je une materie spirituâl" (Giuseppe Dondo, Le curiositât sacomade)
Sin. tignî
, cjapâ
, incovâ