Dizionari de Lenghe Furlane

clucî  clu|cî  [CO]

1. v.tr. de gjaline, o ancje di altris uciei, tignî cjalts cu lis plumis de panze i ûfs o ancje i piçui:  [la mascje dal petaròs] a clucive i ûfs (Dolfo Zorzut, El petaròs); une desene di ûfs, metûts a clucî… a fasin une desene di poleçuts (Angelo Covazzi, Ûfs e fasûi)
   Sin. covâ
   Var. cloci , clocî
   
   1. (fig.) tignî protet:  al alçave il tavaiuç che al clucive la polente (Alan Brusini, Gian Paolo Linda, I forescj); la lune e sarès nassude su la aghe, e varès slungjât i braçs te cjarece trimulant di simpri a clucî la zoventût, la sperance e l'amôr (Domeni Zannier, La crete che no vai)
2. v.intr. (fig.) tignî dentri vie, ancje cence che si viodi, soredut par une dade di timp lungje:  il cûr al clucive il displasê (Maria Forte, La tiere di Lansing)
   
   1. vê za une malatie, magari cun cualchi piçul sintom, ma cence che e sedi ancjemò pandude dal dut:  al veve frêt e al clucive la fiere sintât daprûf a di une baricade (Pieri Corvat, El cuarantevot)
3. v.intr. (ancje fig.) stâ riparât, no viodût, no cognossût e v.i.:  la cjaristie… come une bestie nere che e clucìs dentri di ogni cjase, e cres sot di ogni puarti (Dino Virgili, La aghe da pît la cleve)
   Sin. alberzâ , covâsi , coviglîsi , imbusâsi , intanâsi , logâ , nidiâ , platâsi , covâ

Polirematichis e espressions idiomatichis

• meti a clucî loc.v.