cop1
/-ò-/
cop
[FO]
-
s.m.
toc di crep in forme di mieç cilindri svasât, che si meti sui cuvierts par che e cori vie la ploie viers la gorne:
un cuviert di cops gnûfs;
daûr lis stagjons, o met cualchi claut, o stropi cualchi buse tai mûrs, o comedi cualchi cop sul cuviert (Josef Marchet, Lis predicjis dal muini);
la aghe che si disgotave dai cops te cunete e rompeve chel zito (Meni Ucel, La ombrene);
Bristovan, une vile cun cjasis di len, adulà che l'Invier la nêf e rivave fin sui cops (Alan Brusini, Come tai romançs);
al biel soreli ti impia / lumins sui cops / di un dì di fiesta / inta matinis / frescjis di ploia (Renato Iacumin, O Aquilea)
Sin. cop di cuvierte ipon.
Cfr. copesse
, planele
, scandule
, canâl
, agadorie
, cuvierte
, cuviert
Polirematichis e espressions idiomatichis
Proverbis:
- bisugne lassâi fâ a chel che al è parsore dai cops
- dai cops injù tu sâs ancje tu, dai cops insù dome il Signôr
- dai cops insù nissun nol à misurât
- i cops si dan di bevi un cul altri
- i cops si dan la aghe un cul altri
- o vin di fâ come i cops che si dan di bevi un cul altri
- ogni cjase al è il so diaul e tai convents a son siet diaui par cop