cuvierte
/-èr-/
cu|vier|te
[FO]
-
s.f.
toc di tiessût retangolâr o cuadrât avonde penç par tignî cjalt:
di chê gnot o mi visi pôc, parcè che mê mari mi à dât di bevi une sedon di sirop, mi à involuçât intune cuvierte e mi soi sveât l'indoman (Cristina Noacco, Faliscjis);
parsore la plete dal linzûl a vevin metût un cussin, e di chê altre bande une cuvierte rosse ben pleade (Carlo Sgorlon, Prime di sere);
al si gjave il capot, gjachete e braghessis e al va tal jet sot des cuviertis (Pieri Somede dai Marcs, Al fresc)
Var. cuierte
Cfr. coltre
, imbutide
, sfilzade
, sclavine
, cuzine
, covertôr
-
s.f.
(fig.)
cualsisei robe che e pues someâ chel toc di tiessût:
lis lastris dai barcons a jerin floridis di glace, e difûr dut al durmive sot la cuvierte lizere de prime nêf (Carlo Sgorlon, Il dolfin);
plui che il vêl de la gnot, una cuviarta penza di nûi che si veva distirât sot la capa del cîl, faseva propri spaventosa la oscuritât (Federigo Comelli, Il me paîs)
-
s.f.
cualsisei struture che e cuvierç une altre:
fasìn une cuvierte gnove ae casse vecje (Pieri Somede dai Marcs, I "resti")
-
strât di materiâl che al cuvierç alc:
dâ sù une cuvierte di malte al mûr
-
s.f.
(fig.)
dut ce che si dopre par taponâ difiets, colpis, magagnis, interès, robariis e v.i.:
sot de cuvierte de mancjance di bêçs ce che si fâs al è no meti in vore lis leçs che no plasin, ma bêçs, pai amîs e pai amîs dai amîs, si cjatin simpri
Sin. cuviertele
-
s.f.
[CO, TS]
lead.
part esterne, pal solit di materiâl avonde dûr tant che carton o piel, che e cuvierç un libri:
e veve slargjât un libron cu la cuvierte rosse e ti leieve planchin planchin peraulis straniis, simpri compagnantsi cu la ponte dai dêts batûts su la taule (Pieri Menis, La maghe no fale)
Sin. cuviertine
-
s.f.
[TS]
cjalç.
part disore di une scarpe o sim.:
si prepare la cuvierte al scarpet. Simpri cuntun stampon, il tiessût al ven prime fissât al stamp e po taiât. L'interni al è di un tiessût plui resistent (Oscar Puntel, Scarpets, tai pîts la tradizion)
Sin. tomere
-
s.f.
[TS]
becj.
piel e gras sotpiel di bestie macelade
Sin. crodie
-
s.f.
[TS]
mar.
breâr che al cuvierç la part superiôr di une nâf:
nûi neris di ogni bande, vongulonis spropositadis che al pareve che a volessin gloti la nâf. O sin scjampâts ducj sot cuvierte (Enrico Martina, Ricuarts e inlusions);
si veva cun pena butât sul font da la barcja cuant che al sint montâ su la cuviarta, una par volta, dodis feminis (Ranieri Mario Cossâr, Li dodis comaris di Aquilea)
Polirematichis e espressions idiomatichis