Dizionari de Lenghe Furlane

contratâ  con|tra|tâ  [CO]

1. v.tr., v.intr. cirî di rivâ a un acuardi o definî i ponts di un acuardi che al impegne dôs o plui parts, par une transazion economiche o di altre sorte:  dopo vê contratât dôs oris a lunc, al tire fûr i bêçs che al veve ingropât tun pic dal façolet, al paie e al jes (Luigi Gortani, Al marcjât di Vile)
   Cfr. tratâ
   
   1. comprâ alc a di une cierte cundizion, a di un ciert presit che al è stât concuardât des dôs parts:  il marcjât dai mus di un paîs là jù di nô al jere tra i plui innomenâts dal Friûl. I miôrs mus ju contratavin scuasi ducj alì (Alviero Negro, L'usurâr)
      Cfr. comprâ
   2. cjapâ a vore cdn. cuntun ciert contrat:  là di Gnarvin il dì de sagre si davin cunvigne i capuçats dai paîs dulintor par contratâ l’ingai dai fornasîrs (Osiride Secco dai Juris, Lis antighis sagris di Tarcint)
      Cfr. cjapâ , cjapâ a vore , cjoli , cjoli a vore , ingaiâ , cjapâ sù
   3. cirî di otignî un ciert obietîf presentant argoments, fasint domandis, ufiertis o cuintriufiertis:  o varìn di jessi bogns di justificâ, contratâ, dimostrâ lis resons che o sin bogns di esercitâ ogni singule competence miôr dal Stât centrâl (Walter Tomada, Riformis istituzionâls, autonomie simpri plui roseade: ve parcè. Nestre interviste a Elena D’Orlando)

Proverbis:

• prin di contratâ de piel dal ors, bisugne maçâlu