comoditât
co|mo|di|tât
[AF]
-
s.f.
cundizion di stâ ben e comuts, mancjance di elements che a dan fastidi:
e scomençà a usâsi a la comoditât e a la ricjece (Carlo Sgorlon, Ombris tal infinît);
chês robis di valôr […] almancul tai museus al è cui che al sa conservâlis e comedâlis, e ducj po lâ a viodilis e a studiâlis cun comoditât (Josef Marchet, Lis predicjis dal muini)
-
facilitât o convenience di gjoldi di un servizi, di profitâ di alc:
su la fornâs, par comoditât dai fornasîrs, e jere une «zarde» vierte dut l'an (Pieri Menis, Lis çuculis dal Gjigjo)
Sin. vantaç
, pro
, convenience
-
s.f.
cualitât di jessi comut, di fâ stâ ben, di permeti di stâ o di fâ alc cence fastidis:
al traviersà la Italie e mieze Europe predicjant […]. Une fature mostre, des voltis slizeride cu la comoditât cetant relative di un biroç (Amedeo Grab, Campion di Europe)
-
s.f.
element che al fâs stâ comut, che al fâs stâ ben:
al comedà la cjase e si de dutis chês comoditâts che nol veve mai vudis in vite sô (Roberto Ongaro, Cretevierte);
jê no jere usade cussì, jê e voleve lis sôs comoditâts: ce valevie jessi siore se in chel paîs bandonât ancje di Diu no jerin buteghis par podê spindi? (Franca Mainardis, Il sium di Lissandri)
Sin. comut
, lus1