cjamâ
cja|mâ
[AF]
-
v.tr.
(ancje ass.)
preparâ e meti sù robe, in particolâr su la schene o suntun veicul, par puartâle, traspuartâle, mandâle o sim.:
si bagnà di sudôr a cjamâ un casson cu la robe che plui e coventave (Maria Forte, Cjase di Dalban);
difûr al spietave il cjar de agne. A cjamarin ancje lis chebis cui cunins e chês cu lis gjalinis (Gianni Gregoricchio, Trê feminis)
Sin. cjariâ
-
fâ montâ cdn. tun mieç di traspuart:
"Cjamait sul biroç il gno spôs" (Andreina Nicoloso Ciceri, Il re e la fantate furbe - Racconti popolari friulani I);
[i presonîrs] a vignivin scortâts in stazion e cjamâts sui vagons (Carli Pup, La seconde Irlande)
-
v.tr.
meti in cundizion di funzionâ un aparât cul dâi o cul metii la energjie, la tension, il carburant, lis munizions o sim. che i coventin:
al cjamave la svearine di fâ saltâ la suste e le faseve sunâ di sturnî dut il circondari (Antoni Beline, Pre Pitin);
a chest om i mancjave un braç e istès al cjamave la pistole cun tune man sole (Moira Pezzetta, «Lis conseguenzis dal Deliri» Une declamazion cuintri la ipocrisie dal mont tal gnûf album dai Rive no Tocje)
Sin. cjariâ
, tirâ sù ipon.
-
v.tr.
(fig.)
dâ o meti alc che al pues jessi calcolât un pês, un valôr, une fadie, un impegn, ancje imateriâl, psicologjic, morâl e v.i.:
no podìn zuiâ a cjamâ une date di significâts che no à e no à di vê (Antoni Beline, Sant Jacum, là che al finìs il mont)
-
compuartâ o imponi une spese, un impegn economic, il paiament di un tribût o sim.:
al veve vût cualchi reumatic e al veve cjamât di un debit la sô cjasute (Maria Forte, "Nossent")
-
v.tr.
(fig.)
dâ o fâ vê alc, ancje di imateriâl, in grande cuantitât:
in chê sere la buere e vuiscjave, cjamant il cîl di nûi (Alan Brusini, Il coragjo de sclope)
Sin. jemplâ
, implenâ
, sglonfâ
-
v.tr.
(fig.)
produsi un stât di inflamazion e in câs ostruzion des viis respiratoriis
Sin. costipâ
-
v.tr.
[TS]
inform.
trasferî un file intun servidôr o intune cierte unitât di memorie:
catalogazion des buinis pratichis […] che a vegnin cjamadis online (Walter Tomada, Scuele furlane. Jutoris concrets, no cjacaris)
Sin. cjariâ
, meti sù
Polirematichis e espressions idiomatichis
Proverbis:
- par une vacje no si lasse di cjamâ la mont