Dizionari de Lenghe Furlane

cisâ  ci|sâ  [CO]

1. v.intr. tremâ e fâ il sunsûr tipic de formazion improvise di vapôr o dal fridi dal gras:  i breons de armadure a ardevin in cjandele, te gnot, a colavin jù ta la aghe, cisant (Dino Virgili, La aghe da pît la cleve); a bulivin i fasûi te pignate e sul fornel e cisave la bisate in tocj che e mandave un bonodôr di orâr (Pieri Somede dai Marcs, Vilie di Nadâl (conte)); al jevave sù par lâ a zirâ la polente che e cisave su la lastre dal spolert (Alan Brusini, Gian Paolo Linda, I forescj)
2. v.intr. fâ sunsûr come dal vapôr che si forme dal improvîs:  une gnot cjalde di Istât cui zupets che a cisavin sù pai lens (Alan Brusini, Il svindic di Rosute)
   
   1. dâ sensazion di sunsûr come dal vapôr che si forme dal improvîs:  al sintive lis orelis che i cisavin e il cjâf sturnît (Mario De Apollonia, Il timp par ledrôs)
3. v.intr. dâ sensazion di cjalt e in câs ancje di tremâ:  ti molin cierts cinglinots inte muse di scjassâte e fâte cisâ (Ivano Urli, Storie di Vera)
   Cfr. brusâ , scjaldâ , scotâ , bulî , sbrovâ , buiâ

Proverbis:

• la aghe prin di bulî e cise