calme1
cal|me
[AF]
-
s.f.
cundizion di ce che al è fer, stabil, mancjance o plen control di moviment:
il mâr in chel moment al veve une calme dolce, e il spieli de aghe, ingrispât dome di un flât, riflès sutîi, ma vîfs (Agnul di Spere, Int no consumade)
Sin. trancuilitât
, cuiete
Cfr. bonace
-
s.f.
cundizion o situazion di pâs e cidin:
il cîl al jere seren e une calme rare e regnave su dute la linie, cuasi che di ca e di là de trincee si fossin intindûts di stâ cuiets (Pieri Menis, La glesiute dai alpins);
o ai propuestis di fâus di lungje prospetive e nus covente un daspò di misdì di calme par considerâlis (Adrian Cescje, Memoriis di politiche linguistiche)
Sin. cidin
, cidinôr
, padin
, pâs
, polse
, poste
-
s.f.
cundizion di pâs dal spirt:
cun ducj i peteçs sul gno cont jo o stoi calme e o speri che cheste calme e imbrucji ancje nestre fie e che le judi a no fâ cualchi frutaçade (Pieri Piçul, Vieri e gnûf);
il Signôr mi à dât in chescj timps trements une gracie: chê di metimi in calme intal pericul (Pieri Somede dai Marcs, Gnot clare gnot scure)
Sin. cuiete
, padin
, pâs
, polse
, serenitât
-
control plen e seren di ce che si pense e di ce che si fâs:
si sa che la calme e la trancuilitât a son lis virtûts dai fuarts (Riedo Pup, Balon: crodi, ubidî e paiâ)
-
mancjance di agjitazion, di presse tal fâ lis robis:
Laurinç si invià a planc, cjalant la int e fermantsi cu la calme a lei i titui dai sfueis tes ediculis (Agnul di Spere, In viaç di domenie)
-
ancje tant che riclam a stâ cuiets, a fâ lis robis cun misure e v.i.:
«Calme, fantat. No tu volarâs butâmi jù la cjase» e disè Rita (Carlo Sgorlon, Prime di sere)