Dizionari de Lenghe Furlane

brucje  bru|cje  [AF]

1. s.f. sorte di claut curt cul cjâf larc, ancje decorât:  çuculis, ben ribatinadis cu lis brucjis parsot e cul parecolps di bande par ripara il pontâl (Bepo di Percût, Sgliciadis); un parevint di stofe a rosis montade a brucjis suntun telâr a trê antis (Roberto Ongaro, Il muc); al passave für par für il curtîl par viodi se a 'nd ere brucjis o clauts che a podevin forâi une gome (Antoni Beline, La fabriche dai predis)
   Var. brecje , bricje
   
   1. (fig.) sensazion di alc che al beche, che al sponç:  mi soi dismot cul stomi plen di brucjis e la muse plui grise di simpri (Stiefin Morat, Kebar krossè)
2. s.f. (fam., pop.) orghin sessuâl masculin, massime di un frut:  "Us tai la brucje!…" e i fruts scjampâ a platâsi tai grums di palût "Us tai la brucje cul curtissat rusin!" (Dino Virgili, La aghe da pît la cleve)
   Sin. bagai , bigarin , bigul , britul , caiut , cicinut , çoçulut , sbrissul , pisse , uciel
   Cfr. bighe¹ , caz , vêt , sivilot , cuaiat
3. s.f. viôt brucje di garoful

Polirematichis e espressions idiomatichis

• bati brucjis loc.v.
• bati lis brucjis loc.v.
• brucje di garoful loc.s.f.
• lâ di brucje loc.v.
• lâ sore la brucje loc.v.
• paiâ su la brucje loc.v.
• su la brucje loc.av., loc.adi.