bagai  /-gài/  ba|gai  [CO]

  1. s.m. cuantitât di robe che si puartisi daûr in viaç:  la vuardia al bagai, vuarda che no i vegni robât nuia (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera); [tal aeropuart] intant che a spietavin i bagais, al scambià cun jê cuatri peraulis, plui par curiositât che par cortesie. Si clamave Rosaura e e rivave di Rio de Janeiro (Fabian Ros, Un piçul particolâr)
  2. s.m. (fig.) cuantitât di robis ancje imateriâls che si puartisi daûr te vite:  dal 1965 o soi saltât fûr dal 'seminari cuntun grant bagai di dogmatiche, plui o mancul ben fate, e cun tantis teoriis (Antoni Beline, Il misteri de nestre storie)
  3. s.m. frut, ancje tal sens di fantat cence esperience:  tâs tu, bagai! (Giulio Andrea Pirona, Ercole Carletti, Giovanni Battista Corgnali, Il Nuovo Pirona); morosâ cuntun bagai (Popolâr - Valentino Ostermann, Chê contrade è lungje e largje - Villotte friulane)
    Sin. cacit , bagarin
  4. s.m. bigul di frut
    Sin. bigarin , bagarin