barbar
/bà-/
bar|bar
[AF]
-
adi., s.m.
[AF, TS]
stor.
forest rispiet a Grêcs e Romans antîcs, in gjenar in riferiment a popui che a jerin calcolâts di un nivel di civiltât plui bas o cuntun sisteme politic mancul madûr o rispietôs dai dirits dai citadins e in particolâr ai popui gjermanics o di altre sorte che a son jentrâts tal imperi roman di ocident su la sô fin:
la calada dei Longobarts (altris barbars del Nord vignûts jù nel 568) (Federigo Comelli, Il me paîs)
-
adi., s.m.
(fig.)
che, cui che nol à civiltât, rispiet, etiche, finece e v.i.:
"par dâje intal nâs a di chel musan e barbar di gno fradi!" (Gianni Gregoricchio, Trê feminis)
Sin. salvadi
, incivîl
-
adi.
(fig.)
ancje di fat, situazion e v.i., une vore negatîf, dolorôs, disgraciât e v.i.:
la fate di lavorâ par lui e jere stade mancul barbare che no par chei de galarie feroviarie, un secul prin, ma simpri barbare (Agnul di Spere, Fieste di inaugurazion);
a jerin stâts timps ancjemò plui crûts; timps cussì barbars che la int e veve vût scugnût fâ la polente cu la farine di soròs (Riedo Pup, I furlans e la fam);
conflits simpri plui slargjâts e simpri plui sanganôs, barbars e inumans (Ulderico Bernardi, Fâ sù puints par vivi a Babêl)
Sin. bestiâl
, cjanin
, crudêl
, crût
, dispietât
, trist
-
adi.
[TS]
let.
di forme metriche, che e cjape sù la misure di un model classic, ma cun adataments aes lenghis modernis:
lis traduzions dal Lurinçon a son il prin esempli furlan di ûs de metriche barbare par rindi l'esametri (e il pentametri) classic, lassant di bande il tradizionâl endecasilabi (Sandri Carrozzo, Zuan Lurinçon tradutôr dal latin)