bago
ba|go
[CO]
-
s.m.
tabac che al reste te pipe dopo di une pipade, che in câs di miserie al vignive mastiât:
Tite, che al raspave il bago de pipe, al fermà il rascjin (Maria Forte, Assessôrs di une volte);
"Cjo, Martignà, tu âs la pipe sporcje, no mo?" Alore il Valùs al capive: al sgjarfave te sachete e je dave di netâ: pal bago. Une bocjade di bago e jere une mane pal Rubul: al cjucjave mieze zornade. E i spergotave jù, di ca e di là de bocje, la bave nere (Dino Virgili, La aghe da pît la cleve);
supâ il cai cence presa / ogni tant bevi un tai / tabaiâ cui amîs / spudâ il bago par cjera / sfretenâlu cui pîts (Leonardo Zanier, Tornâ vecjus)
Var. bagul2
-
plui in gjenerâl, tabac di mastiâ:
«Chê fotude di volp!» al tarocave paron Bepo mastiant la sô cjiche di bago (Alan Brusini, Il coragjo de sclope)
-
plui in gjenerâl, tabac, soredut in riferiment ae puce di tabac:
o sintivi odôr di bago dal toscan che al veve fumât prime di dânus udience (Antoni Beline, La fabriche dai predis);
int […] che e impeste l’aiar di bago (Checo Tam, Mismàs)
-
s.m.
(fig., pop.)
batude, sconfite pesante:
"A pensavin di vinci lôr e invezit ur vin dât un bago"
Cfr. sconfite
, batude
, sacagnade
, vuadolade
, bote1
, bataglade
, sglavinade
, sdrondenade