aule
au|le
[FO]
-
s.f.
sale destinade a riunions uficiâls:
par proteste, la minorance e bandonà la aule [de Comune] in masse (Dino Virgili, La aghe da pît la cleve);
[tal 2005] une propueste […] sul insegnament de lenghe furlane e fo poiade jù in Consei regjonâl pal dibatiment in aule (Adrian Cescje, Memoriis di politiche linguistiche)
Sin. sale
, salon
-
sale li che si fâs la celebrazion di un procès
-
s.f.
complès dai membris di une assemblee, in particolâr dal parlament o di une cjamare di parlament:
[tal 1981] la Aule di Strasburc e cjapà pe prime volte une posizion uficiâl a pro de tutele des minorancis etnichis e linguistichis (Marc Stolf, La Cjarte di Strasburc dal 1981. Une Risoluzion "storiche" e ancjemò di atualitât)
Sin. assemblee
, cjamare
-
s.f.
sale li che si fasin lezions di scuele:
al jere zito dentri des puartis des aulis… «Vuê i fruts a son bogns…» al pensà (Dino Virgili, Emme come mamma);
e jere, la Scuele Rosse, une scuele daûr de glesie di Sante Marie, cun dôs aulis e chest busigatul doprât di dipuesit (Ivano Urli, Vuadagnâsi il gustâ)
Sin. classe
-
s.f.
ambient principâl di une glesie:
la aule Sud [de basiliche antighe di Aquilee], clamade ancje aule teodoriane, e jere in corispondence de seconde e de tierce nâf de basiliche di cumò (Giovanni Battauz, Flavio Cossar, Renato Iacumin, I mosaics de basiliche di Aquilee)