salon
/-òn/
sa|lon
[AF]
-
s.m.
grande stanzie di riceviment di palaçs, cjistiei, vilis e v.i.:
butâ il voli tal salon de vile, plen di pituris sul mûr e tal sufit (Gianni Gregoricchio, Îr e doman);
il Salon dal Parlament tal Cjiscjel di Udin al fâs simpri la sô figure. Ti tocje alc dentri, cuasi a visâti de tante storie de nestre Patrie (Dree Valcic, Doprâ la nestre identitât e je la uniche strade buine)
-
grande stanzie in ambient, struturis publichis e v.i.:
il salon de stazion Garibaldi al jere sporc, e jere domenie e nissun lu veve scovât (Agnul di Spere, Chê dì che al neveà a Vignesie);
o sin rivâts in paîs e o sin jentrâts tal salon dal prin albergo che o vin cjatât (Pieri Somede dai Marcs, Sant Simon: 28 di Otubar 1917)
-
s.m.
buteghe di cualchi mistîr, soredut di piruchîr o barbîr:
bon lavorent, Delchi, e il so paron lu preseave. Ma di cuant che al veve tacât a sbolseâ [pe tubercolosi], chel istès paron lu veve cunfinât insomp dal salon, indulà che, par solit, al faseve sintâ i clients di passaç (Gianni Gregoricchio, Delchi)
-
s.m.
iniziative par meti in mostre e fâ cognossi un prodot o un setôr:
chest an, pe prime volte, la Associazion culturâl "Patrie dal Friûl" e jere presinte cui siei volums al Salon internazionâl dal libri di Turin (Redazion La Patrie dal Friûl, I volums de Patrie dal Friûl al Salon dal libri di Turin)
Sin. fiere2
, mostre1
, esposizion