Dizionari de Lenghe Furlane

arsît  ar|sît  [CO]

1. p.pass., adi. viôt arsî , viôt arsîsi
2. adi. consumât de combustion:  dutis lis vanzetis, come spiuladis a fîl a fîl a finivin sul fûc, tune sflamiade che e mandave un odôr di lane arside par dute la cusine (Maria Forte, Cjase di Dalban)
   Sin. brusât , ardût , arsinît
3. adi. che nol à aghe o umiditât, soredut par vie dal soreli e dal cjalt:  tra soreli di canicule e aiar, o vin la taviele dute arside (Josef Marchet, Lis predicjis dal muini)
   Sin. sut , sec , ars , suiât , secjât , arsinît
4. adi. di part dal cuarp, disidratade o cence i siei umôrs naturâi:  e sintive il cjâf vueit e la bocje arside (Maria Forte, Cjase di Dalban)
   Sin. sut , sec , suiât , secjât , arsinît
   
   1. une vore magri:  petenada lissa, cença fassalet sul cjâf, a samea inmò pi secja, arsida (Novella Cantarutti, Un pari da conossi)
5. adi. (fig.) cence sostance, cence gnerf, cence vite:  cumò, graciant Idiu, no nus mancje il pan e il companadi, che cualchi volte a 'nt vin ancje di masse. Ma o vin la anime arside (Antoni Beline, Sant Jacum, là che al finìs il mont)
   Sin. suiât , secjât , brusât , arsinît