amâr
a|mâr
[AF]
-
adi.
che al à un dai savôrs fondamentâi, diferent dal salât e calcolât contrari dal dolç e dal garp:
chestis plantis a puartin in taule la Primevere, e cul lôr savôr amâr a àn la funzion di depurâ e di riativâ il nestri organisim (Natascia Gargano, E je stagjon di jerbis spontaniis: lin a "fâ spese" pai cjamps)
Sin. mareôs
, mareent
Var. mâr2
Cfr. amarotic
-
s.m.
un dai savôrs fondamentâi, diferent dal salât e calcolât contrari dal dolç e dal garp:
zontâ ae salse une ponte di senape, buine di dâi chel snait che al sa esaltâ l'amâr delicât dai sparcs (Margherita Timeus, Sparcs cu la mimose)
-
adi.
(fig.)
che al cause o che al è caraterizât di negativitât, displasê, dolôr malinconie e v.i.:
ancje Minut, duncje, come tancj altris militants antifassiscj al scugne cjapâ la strade amare dal esili (Carli Pup, «Il pridicjadôr socialist»);
nol è un judizi cualuncuistic ma une constatazion clare e amare (Antoni Beline, Un popul e la sô scuele)
Sin. brut
, dolorôs
, faturôs
, inmarumît
, intrigôs
, mareôs
, penôs
, travaiôs
-
che al mostre displasê, dolôr, malinconie e v.i.:
su la bocje cumò e à une plee amare (Alan Brusini, Gian Paolo Linda, I forescj)
-
cause o sensazion di displasê, dolôr, malinconie e v.i.:
gji vigniva sù dut l'amâr da sô puara vita di rimit e gji intosseava al cûr (Ugo Pellis, Catinuta)
-
s.m.
bevande, in gjenar distilade, che e à chel savôr e che e si bêf pal solit dopo di mangjâ par judâ a digjerî:
une schirie di amârs e licôrs (Elena Zanussi, Publicitât par furlan: a ce pont sino?)
Polirematichis e espressions idiomatichis
Proverbis:
- ai passûts ancje la mîl ur pâr amare
- cui che al à amâr in bocje nol po spudâ dolç
- daspò dal dolç al ven l'amâr
- la fam e fâs dolç l' amâr
- no si po gloti amâr e spudâ dolç
- no si po vê il dolç cence l'amâr
- une gote di fêl e fâs amâr un grant pitêr di mîl