Dizionari de Lenghe Furlane

a scuare    [CO]

1. loc.av., loc.adi.inv. formant un angul di 90°:  al veve gjavade la barete e le tignive cuintri di un flanc, cul braç pleât a scuare (Gianni Gregoricchio, Îr e doman)
   Cfr. a plomp
2. loc.av., loc.adi.inv. intune situazion in cualchi maniere juste, corete, positive, normâl, buine, preseade, di buine salût, di bon umôr e v.i.:  il furlan lu ai imparât a scuele, al Stellini di Udin, in gracie dai compagns di classe che a vignivin dai paîs. A scrivilu, ancje se no ben a scuare ma purpûr avonde ben, o ai imparât di bessôl (Dree Venier, Une pagjine goliardiche, ma che covente par pandi alc di plui seri); a disevin che al fos pôc a scuare, ma nissun in paîs i veve mai rot lis scjatis e ben o mâl ducj a vevin rispietât la sô sielte di restâ di bessôl (Raffaele Serafini, Contis sot spirt)
   Sin. a puest , a plomp , pulît , just , ben

Components:

• scuare s.f.