Dizionari de Lenghe Furlane

a puest    [AF]

1. loc.av., loc.adi.inv. ben sistemât, in ordin, tal puest, te posizion o te cundizion che e je juste:  "Va tu, fi. Tu cjatarâs dut a puest in cjamare" (Bruno Paolo Pellarini, Amôr in canoniche)
2. loc.av., loc.adi.inv. intune buine situazion o cundizion, che e fâs stâ contents o li che si à dut ce che si à bisugne o li che si corispuint a ce che al covente:  lu veve cjalât cun doi voi che a lusivin. "O ai cumbinât. Al è dut a puest." (Gianni Gregoricchio, Îr e doman); "Dimi Tite. Ce al nassie? Cemût staie mê sûr? Speri dut a puest" (Raffaele Serafini, Soreli jevât a mont)
   Sin. a bon , pulît , ben
   
   1. sodisfat soredut rispiet a alc di mangjâ, di bevi, a un servizi di vê e v.i.:  o bêf intune tace strete e alte. Bon, bon une vore. Bisugne dîlu. Sec, di abocât just. Lis ideis si sclarissin un tininin. O scomenci a sintîmi a puest (Arturo Feruglio, Viaç a Vignesie)
   2. (antifr.) intune cundizion o situazion dal dut negative:  "Nancje jo no lu ai mai cjantât - e dîs Bete che e à di fâ la part de Madone - mê mari mi mandave pôc a messe e mai al Missus." "A puest, o sin! - al sclope Pieri - O vevi domandât al mestri de corâl doi zovins brâfs… e cumò mi cjati a pît. A une setemane de novene di Nadâl!" (Diego Navarria, Missus, il cjant simbul de grandece de Glesie di chenti)
      Sin. a cjaval , dal gjat
3. loc.adi. (coloc.) di cdn., bon, onest, creançôs:  lui al è une persone a puest e soredut al è un predi (Pierluigi Visintin, Friûl e furlans te Histoire de ma vie di Giacomo Casanova)
   Sin. di sest , par ben

Components:

• puest¹ s.m.