Dizionari de Lenghe Furlane

a metât strade    [CO]

1. loc.av., loc.adi.inv. a mieç, o plui o mancul a mieç, jenfri doi lûcs, in particolâr jenfri il lûc di dulà che si ven e chel dulà che si va, in câs ancje cun valôr temporâl rispiet a trop che al dure un viaç, un percors e v.i.:  a metât strade a vevin viodût a lâ sù nûi e sintût a businâ di lontan (Jolanda Mazzon, Fûr di timp)
   Sin. a mieze strade
2. loc.av., loc.adi.inv. a mieç o plui o mancul a mieç di cualsisei azion, procediment, dinamiche e v.i.
   Sin. a mieze strade
3. loc.av., loc.adi.inv. intun pont, a un nivel, intune misure, intune maniere e v.i. che e je intermedie o plui o mancul intermedie jenfri doi elements ancje astrats, numerics, psicologjics, jenfri dôs cualitâts, manieris, opinions, categoriis e v.i.:  a metât strade tra la metalmecaniche e la edilizie […] lis aziendis che si ocupin de instalazion di implants a son daûr a vivi il periodi plui neri che al vedi cognossût chest setôr (Fabiano Venuti, Instalazion di implants: la crisi che e colpìs cence fâ rumôr)
   Sin. a mieç , a miezis , a mieze strade

Components:

• metât s.f.
• strade s.f.