Dizionari de Lenghe Furlane

a miezis    [CO]

1. loc.av., loc.adi.inv. dividint in dôs parts compagnis, soredut te spartizion di un vuadagn, di une spese, di un impegn e v.i..:  Renato Pierès e la Lise, une gnece di Renato Pierès, deventade che e veve l'om vie pes Francis, a vevin cjolt un purcit a miezis e i abadavin une zornade parom (Meni Ucel, Mieç purcit)
   Sin. a mieç
   
   1. cun contrat di metadie:  ducj i cjamps, cumò, ju veve dâts a miezis. In cjase al veve tignût dome il Cuelat (Maria Forte, La tiere di Lansing)
   2. ancje dividint in plui di dôs parts o condividint tra plui di doi subiets:  tal gno paîs, no vin un predi stabil. Lu vin a miezis cun altris doi paîs e intai ultins doi agns lu vin cambiât trê voltis (AAVV, Sul florî)
2. loc.av., loc.adi.inv. no dal dut, no in maniere complete:  un grant puarton viert a miezis, che al menave intune cort (Franca Mainardis, Grivôr)
   Sin. a mieç
3. loc.av., loc.adi.inv. cun carateristichis, misuris, intensitâts e v.i. intermediis:  si metè a poetâ intun lengaç inventât, strambalât, a miezis tra il furlan e il talian (Roberto Iacovissi, Pre Zaneto)
   Sin. a mieze strade , a mieç

Components:

• mieç adi.num., pron.num., s.m., adi.